రాష్ట్రపతి నిలయం:

సికింద్రాబాద్‌ బొల్లారంలోని రాష్ట్రపతి నిలయాన్ని సందర్శించేందుకు నగర ప్రజలకు మరోసారి అవకాశం వచ్చింది. శీతాకాల విడిది కోసం రాష్ట్రపతి నిలయానికి వచ్చిన రామ్‌నాథ్‌ కోవింద్‌ ఇక్కడి అందాలను, ప్రకృతి శోభితాన్ని ప్రజలు కూడా చూడటానికి అవకాశం కల్పించారు. మొదటిసారిగా రాష్ట్రపతి ప్రతిభాపాటిల్‌ ఈ విధానానికి శ్రీకారం చుట్టారు. ఆహ్లాద పరిచే ఉద్యానవనాలు, ఔషధ మొక్కలు, పండ్ల తోటలు, పూల తోటలు, చుట్టూ పచ్చద నంతో రాష్ట్రపతి నిలయం ప్రత్యేక ఆకర్షణగా ఉంటుంది. ప్రతిభా పాటిల్‌ వరుసగా ఐదుసార్లు ఈ నిలయానికి వచ్చారు. వచ్చిన ప్రతిసారి ఆమె ఈ నిలయాన్ని చూడటా నికి ప్రజలకు అవకాశాన్ని కల్పించారు. ఆ ఆనవాయితీని రాష్ట్రపతి ప్రణబ్‌ ముఖర్జీ పాటించారు. ప్రస్తుత రాష్ట్రపతి రామ్‌నాథ్‌ కోవింద్‌ కూడా మాజీ రాష్ట్రపతుల మాదిరిగానే నగరంలోని రాష్ట్రపతి నిలయాన్ని సందర్శించే అవకాశం కల్పించారు.

1860లో నిజాం నవాబు నజీరుద్దీన్‌ల రాష్ట్రపతి నిలయాన్ని నిర్మించారు. 90 ఎకరాల్లో, 2,500 చదరపు మీటర్ల విస్తీర్ణంలో ఈ భవనం నిర్మించారు. ఇందులో మూడు ప్రధాన విభాగాలు ఏర్పాటు చేశారు. రాష్ట్రపతి కుటుంబ సభ్యుల కోసం, ఏడీసీ విభాగా లుగా విభజించారు. నిలయం పరిసర ప్రాంతాలలో మరో 20 గదులు ఉన్నాయి. పెద్ద పెద్ద వృక్షాలు, వివిధ రకాల పండ్ల తోటలు, ఔషధ మొక్కల వనం, వివిధ రకాల పూల తోటలు రాష్ట్రపతి నిలయాన్ని అందంగా తీర్చిదిద్దుతున్నాయి. వంటశాల నుంచి రాష్ట్రప తి నిలయం వరకు ఉన్న మార్గం సర్వాంగ సుందరంగా ఉంటుంది. ప్రధాన ద్వారం, డైనింగ్‌ హాల్‌, ఫౌంటెన్‌లు చూడదగినవి.

ఉదయం 10 గంటల నుంచి 4 గంటల వరకు..